Вольскі і Шнураў выступяць на беларуска-літоўскай мяжы
Сольны праект лідэра N.R.M Лявона Вольскага і праект лідэра расійскага гурта "Ленинград" Сяргея Шнурава "Рубль" увайшлі ў лік хэдлайнераў фестываля Be2gether, як пройдзе на літоўскай тэрыторыі ў некалькіх дзесятках метрах ад беларускай мяжы.
Акрамя Вольскага, Беларусь сёлета тут прадставіць англійскамоўны гурт Open Space. Раней паведамлялася пра ўдзел у фэсце сусветных зорак - аўстралійцаў Empire of the Sun і брытанскага рок-гурта Skunk Anansie.
Цікава, што і Вольскі, і Шнураў зусім нядаўна фігуравалі ў спісе артыстаў, канцэрты якіх у Беларусі ладзіць не рэкамендавалася. Уладам былі не да спадобы апазіцыйныя погляды аднаго выканаўцы і скандальная рэпутацыя другога. Аднак цяпер Вольскі без праблемаў прэзентаваў свой новы праект "Белая яблыня грому" у тэатры імя Янкі Купалы, а Сяргей Шнураў урэшце пакажа свой праект "Рубль" 29 траўня на рок-фэсце ў Сілічах. Разам выканаўцы пакажуцца па той бок мяжы ў Нарвілішках 25-27 чэрвеня.
Арганізатары літоўскага фэсту яшчэ разглядаюць магчымасць, каб зладзіць адмысловую беларускую сцэну, бо ахвочых выехаць на 50 метраў ад мяжы сёлета вельмі шмат.
Акрамя Вольскага, Беларусь сёлета тут прадставіць англійскамоўны гурт Open Space. Раней паведамлялася пра ўдзел у фэсце сусветных зорак - аўстралійцаў Empire of the Sun і брытанскага рок-гурта Skunk Anansie.
Цікава, што і Вольскі, і Шнураў зусім нядаўна фігуравалі ў спісе артыстаў, канцэрты якіх у Беларусі ладзіць не рэкамендавалася. Уладам былі не да спадобы апазіцыйныя погляды аднаго выканаўцы і скандальная рэпутацыя другога. Аднак цяпер Вольскі без праблемаў прэзентаваў свой новы праект "Белая яблыня грому" у тэатры імя Янкі Купалы, а Сяргей Шнураў урэшце пакажа свой праект "Рубль" 29 траўня на рок-фэсце ў Сілічах. Разам выканаўцы пакажуцца па той бок мяжы ў Нарвілішках 25-27 чэрвеня.
Арганізатары літоўскага фэсту яшчэ разглядаюць магчымасць, каб зладзіць адмысловую беларускую сцэну, бо ахвочых выехаць на 50 метраў ад мяжы сёлета вельмі шмат.