Анатоль Ляўковіч: Варагаў болей не будзе
Беларуская сацыял-дэмакратычная партыя (Грамада) вылучае на прэзідэнцкія выбары ўласнага, партыйнага кандыдата, які здолее падняць ідэі сацыял-дэмакратыі на новыя вяршыні. Такое рашэнне 22 чэрвеня прыняў прэзідыум БСДП (Грамада).
Рашэнні прэзідыуму каментуе старшыня Грамады Анатоль Ляўковіч.
-Сёння мы разглядалі больш за 40 пытанняў. Але асноўным, відавочна, было пытанне пра вылучэнне партыйнага кандыдата на прэзідэнцкія выбары і пра фарміраванне пазітыўнага іміджу партыі.
Прэзідыум вырашыў зрабіць зварот да сябраў нашай партыі, які з’явіцца на свет недзе праз тыдзень. Зварот тычыцца двух прынцыповых момантаў: павышэння іміджу партыі ў сувязі з надыходам прэзідэнцкіх выбараў.
Самым першым рашэннем прэзідыум Грамады дэлегаваў Мечыслава Грыба ў склад рабочай групы АДС па выпрацоўцы працэдуры вылучэння адзінага кандыдата на прэзідэнцкія выбары.
Варта сказаць, што ў 2006 годзе наша партыя самастойна правяла ўсю прэзідэнцкую кампанію. Гэта сведчыць, што наша партыя – адзіная ў краіне, якая мае людскі і арганізацыйны рэсурс. І, што самае галоўнае, мае вопыт удзелу ў прэзідэнцкіх выбарах. Мы ад пачатку да канца правялі ўсю кампанію. Наша партыя – адзіная. Здольная самастойна правесці прэзідэнцкую кампанію. Здольная сабраць неабходную колькасць подпісаў для вылучэння і рэгістрацыі кандыдата. На жаль, у мінулую кампанію наш кандыдат не пазіцыяніраваўся як сацыял-дэмакрат. У гэтай кампаніі гэта будзе кандыдат з шэрагаў партыі, здольны правесці кампанію і палепшыць імідж партыі.
Кадравы патэнцыял у нас ёсць. Гэта – і старшыня партыі Анатоль Ляўковіч, і былы старшыня Вярхоўнага Савета Мечыслаў Грыб, і першы намеснік старшыні партыі Ігар Маслоўскі, і Валерый Фралоў, Іван Анташкевіч.
-Але ж Грамада з’яўляецца суб’ектам АДС? Як стасуецца вылучэнне ўласнага кандыдата з вылучэннем адзінага кандыдата ад дэмакратычных сіл?
-АДС выпрацоўваюць працэдуру вылучэння адзінага кандыдата. Наш прэтэндэнт разам з іншымі прэтэндэнтамі пойдзе на агульны кастынг, будзе канкурэнцыя.
Але варагаў больш не будзе.
Глеб Хмяльніцкі
Рашэнні прэзідыуму каментуе старшыня Грамады Анатоль Ляўковіч.
-Сёння мы разглядалі больш за 40 пытанняў. Але асноўным, відавочна, было пытанне пра вылучэнне партыйнага кандыдата на прэзідэнцкія выбары і пра фарміраванне пазітыўнага іміджу партыі.
Прэзідыум вырашыў зрабіць зварот да сябраў нашай партыі, які з’явіцца на свет недзе праз тыдзень. Зварот тычыцца двух прынцыповых момантаў: павышэння іміджу партыі ў сувязі з надыходам прэзідэнцкіх выбараў.
Самым першым рашэннем прэзідыум Грамады дэлегаваў Мечыслава Грыба ў склад рабочай групы АДС па выпрацоўцы працэдуры вылучэння адзінага кандыдата на прэзідэнцкія выбары.
Варта сказаць, што ў 2006 годзе наша партыя самастойна правяла ўсю прэзідэнцкую кампанію. Гэта сведчыць, што наша партыя – адзіная ў краіне, якая мае людскі і арганізацыйны рэсурс. І, што самае галоўнае, мае вопыт удзелу ў прэзідэнцкіх выбарах. Мы ад пачатку да канца правялі ўсю кампанію. Наша партыя – адзіная. Здольная самастойна правесці прэзідэнцкую кампанію. Здольная сабраць неабходную колькасць подпісаў для вылучэння і рэгістрацыі кандыдата. На жаль, у мінулую кампанію наш кандыдат не пазіцыяніраваўся як сацыял-дэмакрат. У гэтай кампаніі гэта будзе кандыдат з шэрагаў партыі, здольны правесці кампанію і палепшыць імідж партыі.
Кадравы патэнцыял у нас ёсць. Гэта – і старшыня партыі Анатоль Ляўковіч, і былы старшыня Вярхоўнага Савета Мечыслаў Грыб, і першы намеснік старшыні партыі Ігар Маслоўскі, і Валерый Фралоў, Іван Анташкевіч.
-Але ж Грамада з’яўляецца суб’ектам АДС? Як стасуецца вылучэнне ўласнага кандыдата з вылучэннем адзінага кандыдата ад дэмакратычных сіл?
-АДС выпрацоўваюць працэдуру вылучэння адзінага кандыдата. Наш прэтэндэнт разам з іншымі прэтэндэнтамі пойдзе на агульны кастынг, будзе канкурэнцыя.
Але варагаў больш не будзе.
Глеб Хмяльніцкі