Круглы стол пра новую палітыку Эўропы
29 траўня адбыўся круглы стол Інстытуту дзяржаўнасьці й дэмакратыі ў супрацы з Аналітычнай камісіяй Партыі БНФ на актуальную тэму "Новая палітыка Эўразьвязу: палітычнае і каштоўнаснае вымярэньні".
З дакладамі выступілі старшыня Аналітычнай камісіі БНФ Пётра Садоўскі ("Цывілізацыйныя каштоўнасьці і геапалітыка"), кандыдат філязофскіх навук Уладзімір Роўда ("Характэрныя рысы праграмы Ўсходняга партнэрства ў дачыненьні да Беларусі"), палітоляг Юры Чавусаў ("Усходняя палітыка Эўразьвязу і грамадзянская супольнасьць Беларусі"), намесьнік старшыні БНФ Вінцук Вячорка ("Эўрапейская палітыка і стан беларускіх палітычных сілаў").
Пётра Садоўскі спыніўся на палітычна-каштоўнаснай дыскусіі, якая адбываецца ў Нямеччыне ў сувязі зь вяртаньнем падыходаў Realpolitik у міжнародныя дачыненьні гэтай уплывовай краіны. Ён таксама адзначыў недаацэнку з боку заходніх краінаў ролі нацыянальных каштоўнасьцяў у дэмакратычным разьвіцьці посттаталітарных краінаў Цэнтральна-Ўсходняй Эўропы.
Уладзімір Роўда падкрэсьліў, што асноўным фактарам стабільнасьці цяперашняй улады была і ёсьць расейская падтрымка, эўрапейская – фактар дадатковы. У выніку цяперашніх зьменаў умацоўваецца сувэрэнітэт не краіны, а адной аўтарытарнай асобы, прычым характэрна, што і Лукашэнка, і Эўрапейскі Зьвяз падобна бачаць ролю дэмакратычнай апазыцыі, якая не павінна перашкаджаць непасрэдным кантактам.
Юры Чавусаў выказаў занепакоенасьць з прычыны закрытасьці абмеркаваньня магчымых зьменаў у выбарчае заканадаўства, якое адбываецца паміж БДІПЧ АБСЭ і ўладамі Беларусі. Ён апісаў спадзевы розных грамадзкіх арганізацыяў на магчымасьці “Ўсходняга партнэрства” . Шмат пытаньняў выклікала інфармацыя Ю.Чавусава пра кансорцыюм “Эўрабеларусь”, які прадстаўляе перад аб’яднанай Эўропай грамадзянскую супольнасьць краіны.
Вінцук Вячорка выклаў гісторыю ідэі Ўсходняга партнэрства, адзначыўшы, што ў сваёй пачатнай форме канцэпцыя больш адпавядала спэцыфіцы краінаў-удзельніц. На ўнутрыбеларускую сытуацыю паварот эўрапейскай палітыкі паўплываў, але ня так, як меркавалі некаторыя эўрапейскія дзеячы. Не раскалолася ўладная кліка, бо ніхто перад ёю ня ставіць умоваў. А вось небясьпека расколу дэмакратычных сілаў пры дапамозе сцэнара "кіраванай апазыцыі" рэальная.
Выступоўцы ў асноўным пагадзіліся, што Ўсходняе партнэрства можа стварыць новую сытуацыю, надаць дынаміку працэсам геапалітычнага самавызначэньня краніаў нашага рэгіёну. Разам з тым новая палітыка Эўрапейскага Зьвязу ды іншых эўрапейскіх арганізацыяў стасоўна Беларусі нясе рызыку адыходу ад каштоўнасьцяў эўрапейскай цывілізацыі дзеля пакуль недастаткова аргумэнтаваных прагматычнай карысьці ды геапалітычнага павароту улады ў Менску. Практычная рэкамэндацыя для дэмакратычных сілаў - мець апірышча ў грамадзтве, а ня ў зьменных вонкавых чыньніках.
Матэрыялы круглага стала будуць апублікаваныя ў выглядзе брашуры, разьмешчаныя на сайтах pbnf.org i dziarzava.org.
З дакладамі выступілі старшыня Аналітычнай камісіі БНФ Пётра Садоўскі ("Цывілізацыйныя каштоўнасьці і геапалітыка"), кандыдат філязофскіх навук Уладзімір Роўда ("Характэрныя рысы праграмы Ўсходняга партнэрства ў дачыненьні да Беларусі"), палітоляг Юры Чавусаў ("Усходняя палітыка Эўразьвязу і грамадзянская супольнасьць Беларусі"), намесьнік старшыні БНФ Вінцук Вячорка ("Эўрапейская палітыка і стан беларускіх палітычных сілаў").
Пётра Садоўскі спыніўся на палітычна-каштоўнаснай дыскусіі, якая адбываецца ў Нямеччыне ў сувязі зь вяртаньнем падыходаў Realpolitik у міжнародныя дачыненьні гэтай уплывовай краіны. Ён таксама адзначыў недаацэнку з боку заходніх краінаў ролі нацыянальных каштоўнасьцяў у дэмакратычным разьвіцьці посттаталітарных краінаў Цэнтральна-Ўсходняй Эўропы.
Уладзімір Роўда падкрэсьліў, што асноўным фактарам стабільнасьці цяперашняй улады была і ёсьць расейская падтрымка, эўрапейская – фактар дадатковы. У выніку цяперашніх зьменаў умацоўваецца сувэрэнітэт не краіны, а адной аўтарытарнай асобы, прычым характэрна, што і Лукашэнка, і Эўрапейскі Зьвяз падобна бачаць ролю дэмакратычнай апазыцыі, якая не павінна перашкаджаць непасрэдным кантактам.
Юры Чавусаў выказаў занепакоенасьць з прычыны закрытасьці абмеркаваньня магчымых зьменаў у выбарчае заканадаўства, якое адбываецца паміж БДІПЧ АБСЭ і ўладамі Беларусі. Ён апісаў спадзевы розных грамадзкіх арганізацыяў на магчымасьці “Ўсходняга партнэрства” . Шмат пытаньняў выклікала інфармацыя Ю.Чавусава пра кансорцыюм “Эўрабеларусь”, які прадстаўляе перад аб’яднанай Эўропай грамадзянскую супольнасьць краіны.
Вінцук Вячорка выклаў гісторыю ідэі Ўсходняга партнэрства, адзначыўшы, што ў сваёй пачатнай форме канцэпцыя больш адпавядала спэцыфіцы краінаў-удзельніц. На ўнутрыбеларускую сытуацыю паварот эўрапейскай палітыкі паўплываў, але ня так, як меркавалі некаторыя эўрапейскія дзеячы. Не раскалолася ўладная кліка, бо ніхто перад ёю ня ставіць умоваў. А вось небясьпека расколу дэмакратычных сілаў пры дапамозе сцэнара "кіраванай апазыцыі" рэальная.
Выступоўцы ў асноўным пагадзіліся, што Ўсходняе партнэрства можа стварыць новую сытуацыю, надаць дынаміку працэсам геапалітычнага самавызначэньня краніаў нашага рэгіёну. Разам з тым новая палітыка Эўрапейскага Зьвязу ды іншых эўрапейскіх арганізацыяў стасоўна Беларусі нясе рызыку адыходу ад каштоўнасьцяў эўрапейскай цывілізацыі дзеля пакуль недастаткова аргумэнтаваных прагматычнай карысьці ды геапалітычнага павароту улады ў Менску. Практычная рэкамэндацыя для дэмакратычных сілаў - мець апірышча ў грамадзтве, а ня ў зьменных вонкавых чыньніках.
Матэрыялы круглага стала будуць апублікаваныя ў выглядзе брашуры, разьмешчаныя на сайтах pbnf.org i dziarzava.org.