“Бобруйский курьер“ выкінулі з продажу на пошце
Бабруйскае аддзяленне РУП "Белпошта" скасоўвае дамову на распаўсюд мясцовай недзяржаўнай грамадска-палітычнай газеты "Бобруйский курьер" праз паштовыя аддзяленні горада і раёна.
10 красавіка рэдакцыя выдання атрымала ліст за подпісам кіраўніцы Бабруйскага вузла паштовай сувязі Ніны Шэлех, якая паведаміла, што дамова на рэалізацыю "Бобруйского курьера" скасоўваецца з 1 траўня 2009 года. "У сувязі з нізкім узроўнем продажу", — патлумачыла спн. Шэлех.
Між тым, літаральна за дзесяць дзён да гэтага галоўны рэдактар "БК" Анатоль Санаценка атрымаў з таго ж паштовага прадпрыемства на подпіс дакументы аб працягу дамовы на рэалізацыю газеты. Ён падпісаў іх і адаслаў для ўзгаднення другому боку.
Такую рэзкую змену настрою бабруйскай пошты Анатоль Санаценка звязвае з кампаніяй ціску на "Бобруйский курьер" з боку мясцовых уладаў.
"У апошні час юрыдычны і эканамічны ціск на газету толькі ўзмацніўся — нягледзячы на абвешчаную беларускімі ўладамі лібералізацыю", — зазначае галоўны рэдактар. На думку А. Санаценкі, гэта можа быць помстай за тое, што ў канцы 2008 года рэдакцыя "БК" паскардзілася ў пракуратуру на незаконныя дзеянні трох чыноўнікаў Бабруйскага гарвыканкама ў дачыненні да газеты.
Нагадаем, што ў кіёсках "Саюздруку" "БК" не прадаецца з 2006 года. У падпісным каталогу ён ёсць, але падпіска распаўсюджваецца толькі на Магілёўскую вобласць.
10 красавіка рэдакцыя выдання атрымала ліст за подпісам кіраўніцы Бабруйскага вузла паштовай сувязі Ніны Шэлех, якая паведаміла, што дамова на рэалізацыю "Бобруйского курьера" скасоўваецца з 1 траўня 2009 года. "У сувязі з нізкім узроўнем продажу", — патлумачыла спн. Шэлех.
Між тым, літаральна за дзесяць дзён да гэтага галоўны рэдактар "БК" Анатоль Санаценка атрымаў з таго ж паштовага прадпрыемства на подпіс дакументы аб працягу дамовы на рэалізацыю газеты. Ён падпісаў іх і адаслаў для ўзгаднення другому боку.
Такую рэзкую змену настрою бабруйскай пошты Анатоль Санаценка звязвае з кампаніяй ціску на "Бобруйский курьер" з боку мясцовых уладаў.
"У апошні час юрыдычны і эканамічны ціск на газету толькі ўзмацніўся — нягледзячы на абвешчаную беларускімі ўладамі лібералізацыю", — зазначае галоўны рэдактар. На думку А. Санаценкі, гэта можа быць помстай за тое, што ў канцы 2008 года рэдакцыя "БК" паскардзілася ў пракуратуру на незаконныя дзеянні трох чыноўнікаў Бабруйскага гарвыканкама ў дачыненні да газеты.
Нагадаем, што ў кіёсках "Саюздруку" "БК" не прадаецца з 2006 года. У падпісным каталогу ён ёсць, але падпіска распаўсюджваецца толькі на Магілёўскую вобласць.