Паўфінальны нумар Ялфімава сарваны?
На сённяшнім паўфінале Еўрабачання гледачы не пабачаць задуманы Юзэфовічам нумар Ялфімава з-за тэхнічных праблемаў з праектарам. Пасля конкурсу ў Маскве рэжысёр збіраецца паказаць хаця б на беларускай сцэне, як па яго задуме павінен быў выглядаць нумар.
Як даведалася Еўрарадыё, па незразумелых для рэжысёра прычынах увесь час узнікаюць праблемы з праектарам. На першай рэпетыцыі яго ўвогуле не падключылі. А ўзяць у Маскву свой праектар Янушу Юзэфовічу не дазволілі.
Юзэфовіч: "Мне сказалі, нельга. І што ў іх ёсць свой. На жаль, тое, што ў іх ёсць, мяне не задавальняе. Спадзяюся, што для нумару, які вы пабачыце сёння, атрымаецца зрабіць хаця б палову з таго, што мы падрыхтавалі".
Тое, што беларускаму спеваку для нумара будзе патрэбны праектар, у Маскве ведалі яшчэ з сакавіка.
"Тым болей мне не зразумела, чаму ў іх ўсё не падрыхтавана, – дзівіцца Януш. – Другая рэпетыцыя была ўжо лепшай за першую, таму спадзяюся, што ў рэшце рэшт усё будзе добра".
Са словаў Юзэфовіча, нягледзячы на ўсе спрэчкі паміж спеваком і рэжысёрам, яны падтрымліваюць зносіны.
Юзэфовіч: "Мы не кантактуем, але ставімся адзін да аднаго з павагай, і асаблівых праблемаў паміж намі няма. Я спадзяюся, што ўся энэргія ўсё ж такі будзе выкарыстана ў добрым кірунку".
Януш шкадуе, што пастаноўку давялося перарабіць. І асабіста ён не задаволены тым, што атрымалася:
"Я не задаволены нумарам. Найперш па тэхнічных прычынах. Я прыдумаў усё гэта зусім інакш. Пятру гэта перашкаджала".
Гэтай жа думкі прытрымліваецца і глава беларускай дэлегацыі Аляксандр Ціхановіч:
"Задумваўся нумар зусім па-іншаму, а пасля ўжо, сыходзячы з сітуацыі, якая адбылася... Калі б нумар паставілі такім, якім ён быў задуманы першапачаткова, і калі б не было супярэчнасцяў з Пятром, гэта быў бы вельмі-вельмі прыгожы і запамінальны нумар".
Як вядома, ідэю з крыламі Пётр адразу адрынуў.
"Таму Янушу давялося тры разы перарабляць пастаноўку нумару!" – скардзіцца Ціхановіч.
Пакуль жа Ціхановіч "ставіць" на дэталі, якія ўсё ж атрымалася захаваць у пастаноўцы. А камандзе Ялфімава зараз даводзіцца хоць як-небудзь упрыгожыць нумар, каб ён запомніўся, бо на сцэну паўфінала Пётр выйдзе чацвертым.
Прадзюсар Ялфімава Таццяна Касмачова не падзяляе меркаванняў сваіх калегаў. І нават прэтэнзіяў да дрэнна працуючага праектара ў яе няма:
"Мы пра нумар увогуле не распавядаем, але што тычыцца тэхнічнай часткі Еўрабачання – гукарэжысёраў, аператараў, г.д. і ўвогуле арганізацыі, усё проста цудоўна. Усе артысты адчуваюць сябе вельмі камфортна на сцэне".
Адзінае, што зараз турбуе галоўную апякунку Пятра, – гэта плёткі вакол імя спевака. Касмачова нават думаць не хоча пра тое, наколькі ўсё гатова і адпавядае задуме фэсту. А пасля конкурсу збіраецца высветліць, каму было патрэбна дэзінфармаваць кіраўніка беларускай дэлегацыі:
"Сёння ў нас вельмі адказны дзень, таму я нават думаць пра гэта не хачу! А вось СМІ ў нас, на жаль, пішуць нейкую дзіўную, неправераную інфармацыю. Каб вы ведалі, Ялфімаў не даваў ніякіх інтэрв'ю, якія друкуюць у газетах. І мы гэта дакажам! Мы не ведаем, хто распаўсюджвае такія плёткі. Але мы гэта высветлім, на ўсё свой час. І гэты час прыйдзе! Дыктафон – такая штука... Існуе мантаж і іншыя рэчы".
Пад дэзінфармацыяй Таццяна Касмачова мае на ўвазе адзін з артыкулаў пра Пятра Ялфімава, у якім распавядалася, што каб у артыста было шмат грошай, ён бы з’ехаў з краіны.
"Спачатку мы былі вельмі засмучаныя і шакаваныя. А пасля стала зразумела, што над намі нехта здзекуецца. Гэта проста непрыстойна і непрыгожа пісаць такія рэчы пра такога чалавека, як Пеця. Камусьці ж гэта трэба? Я лічу, што хто-хто, а Ялфімаў, які выязджае вельмі часта за мяжу, вялікі патрыёт сваёй зямлі, сваёй дзяржавы, свайго кіраўніцтва. Нават супер-патрыёт, я б так сказала! Чалавек, які на пяты дзень кажа: "Усё, не магу, хачу дадому, на Радзіму" – такое рэдка адбываецца".
Еўрарадыё запыталася ў Аляксандра Ціхановіча, ці паўплывае сёлетняя скандальная гісторыя з Ялфімавым на ўмовы складання кантракту для канкурсантаў Еўрафэсту ў будучыні. І прапанавала прапісаць безумоўнае падпарадкаванне спевака рэжысёру. Аказалася, менавіта такі кантракт змянілі пад… Пятра!
"Ды ў нас гэта было прапісана з самага пачатку! Проста пад Пятра змянілі кантракт і пайшлі яму насустрач. Але гэта ўжо не да мяне пытанне".
Аляксандр Ціхановіч распавёў, што раней гэты пункт дзейнічаў з усімі: і з Віктарам Дробышам і Дзімам Калдуном, і з Кімам Брэйтбургам і Русланам Аляхно. На гэты ж раз у кантракт давялося ўнесці палёгкі.
"Я быў катэгарычна супраць! Людзі, якія ішлі ў гэты праект, чыталі кантракт і загадзя пагаджаліся з яго ўмовамі. Але гэта не ад мяне залежала".
У наступным годзе, лічыць Ціхановіч, кантракт з кандыдатамі на Еўрабачанне не варта рабіць больш суровымі. Яго проста трэба прывесці ў той стан, у якім ён быў спачатку.
Пакуль Ціхановіч будуе планы Еўрафэсту на наступны год, Януш Юзэфовіч збіраецца знайсці час і пасля конкурсу ў Маскве паказаць хаця б на беларускай сцэне, як па яго задуме павінен быў выглядаць нумар.
"Тады ўсе зразумеюць, што я прыдумаў. Бо мы падрыхтавалі гэта відэа ў вельмі добрай якасці. Гэта шэдэўр! High definition quality! Але яны не ўмеюць яго паказаць так, як трэба. У гэтым і праблема".
Як даведалася Еўрарадыё, па незразумелых для рэжысёра прычынах увесь час узнікаюць праблемы з праектарам. На першай рэпетыцыі яго ўвогуле не падключылі. А ўзяць у Маскву свой праектар Янушу Юзэфовічу не дазволілі.
Юзэфовіч: "Мне сказалі, нельга. І што ў іх ёсць свой. На жаль, тое, што ў іх ёсць, мяне не задавальняе. Спадзяюся, што для нумару, які вы пабачыце сёння, атрымаецца зрабіць хаця б палову з таго, што мы падрыхтавалі".
Тое, што беларускаму спеваку для нумара будзе патрэбны праектар, у Маскве ведалі яшчэ з сакавіка.
"Тым болей мне не зразумела, чаму ў іх ўсё не падрыхтавана, – дзівіцца Януш. – Другая рэпетыцыя была ўжо лепшай за першую, таму спадзяюся, што ў рэшце рэшт усё будзе добра".
Са словаў Юзэфовіча, нягледзячы на ўсе спрэчкі паміж спеваком і рэжысёрам, яны падтрымліваюць зносіны.
Юзэфовіч: "Мы не кантактуем, але ставімся адзін да аднаго з павагай, і асаблівых праблемаў паміж намі няма. Я спадзяюся, што ўся энэргія ўсё ж такі будзе выкарыстана ў добрым кірунку".
Януш шкадуе, што пастаноўку давялося перарабіць. І асабіста ён не задаволены тым, што атрымалася:
"Я не задаволены нумарам. Найперш па тэхнічных прычынах. Я прыдумаў усё гэта зусім інакш. Пятру гэта перашкаджала".
Гэтай жа думкі прытрымліваецца і глава беларускай дэлегацыі Аляксандр Ціхановіч:
"Задумваўся нумар зусім па-іншаму, а пасля ўжо, сыходзячы з сітуацыі, якая адбылася... Калі б нумар паставілі такім, якім ён быў задуманы першапачаткова, і калі б не было супярэчнасцяў з Пятром, гэта быў бы вельмі-вельмі прыгожы і запамінальны нумар".
Як вядома, ідэю з крыламі Пётр адразу адрынуў.
"Таму Янушу давялося тры разы перарабляць пастаноўку нумару!" – скардзіцца Ціхановіч.
Пакуль жа Ціхановіч "ставіць" на дэталі, якія ўсё ж атрымалася захаваць у пастаноўцы. А камандзе Ялфімава зараз даводзіцца хоць як-небудзь упрыгожыць нумар, каб ён запомніўся, бо на сцэну паўфінала Пётр выйдзе чацвертым.
Прадзюсар Ялфімава Таццяна Касмачова не падзяляе меркаванняў сваіх калегаў. І нават прэтэнзіяў да дрэнна працуючага праектара ў яе няма:
"Мы пра нумар увогуле не распавядаем, але што тычыцца тэхнічнай часткі Еўрабачання – гукарэжысёраў, аператараў, г.д. і ўвогуле арганізацыі, усё проста цудоўна. Усе артысты адчуваюць сябе вельмі камфортна на сцэне".
Адзінае, што зараз турбуе галоўную апякунку Пятра, – гэта плёткі вакол імя спевака. Касмачова нават думаць не хоча пра тое, наколькі ўсё гатова і адпавядае задуме фэсту. А пасля конкурсу збіраецца высветліць, каму было патрэбна дэзінфармаваць кіраўніка беларускай дэлегацыі:
"Сёння ў нас вельмі адказны дзень, таму я нават думаць пра гэта не хачу! А вось СМІ ў нас, на жаль, пішуць нейкую дзіўную, неправераную інфармацыю. Каб вы ведалі, Ялфімаў не даваў ніякіх інтэрв'ю, якія друкуюць у газетах. І мы гэта дакажам! Мы не ведаем, хто распаўсюджвае такія плёткі. Але мы гэта высветлім, на ўсё свой час. І гэты час прыйдзе! Дыктафон – такая штука... Існуе мантаж і іншыя рэчы".
Пад дэзінфармацыяй Таццяна Касмачова мае на ўвазе адзін з артыкулаў пра Пятра Ялфімава, у якім распавядалася, што каб у артыста было шмат грошай, ён бы з’ехаў з краіны.
"Спачатку мы былі вельмі засмучаныя і шакаваныя. А пасля стала зразумела, што над намі нехта здзекуецца. Гэта проста непрыстойна і непрыгожа пісаць такія рэчы пра такога чалавека, як Пеця. Камусьці ж гэта трэба? Я лічу, што хто-хто, а Ялфімаў, які выязджае вельмі часта за мяжу, вялікі патрыёт сваёй зямлі, сваёй дзяржавы, свайго кіраўніцтва. Нават супер-патрыёт, я б так сказала! Чалавек, які на пяты дзень кажа: "Усё, не магу, хачу дадому, на Радзіму" – такое рэдка адбываецца".
Еўрарадыё запыталася ў Аляксандра Ціхановіча, ці паўплывае сёлетняя скандальная гісторыя з Ялфімавым на ўмовы складання кантракту для канкурсантаў Еўрафэсту ў будучыні. І прапанавала прапісаць безумоўнае падпарадкаванне спевака рэжысёру. Аказалася, менавіта такі кантракт змянілі пад… Пятра!
"Ды ў нас гэта было прапісана з самага пачатку! Проста пад Пятра змянілі кантракт і пайшлі яму насустрач. Але гэта ўжо не да мяне пытанне".
Аляксандр Ціхановіч распавёў, што раней гэты пункт дзейнічаў з усімі: і з Віктарам Дробышам і Дзімам Калдуном, і з Кімам Брэйтбургам і Русланам Аляхно. На гэты ж раз у кантракт давялося ўнесці палёгкі.
"Я быў катэгарычна супраць! Людзі, якія ішлі ў гэты праект, чыталі кантракт і загадзя пагаджаліся з яго ўмовамі. Але гэта не ад мяне залежала".
У наступным годзе, лічыць Ціхановіч, кантракт з кандыдатамі на Еўрабачанне не варта рабіць больш суровымі. Яго проста трэба прывесці ў той стан, у якім ён быў спачатку.
Пакуль Ціхановіч будуе планы Еўрафэсту на наступны год, Януш Юзэфовіч збіраецца знайсці час і пасля конкурсу ў Маскве паказаць хаця б на беларускай сцэне, як па яго задуме павінен быў выглядаць нумар.
"Тады ўсе зразумеюць, што я прыдумаў. Бо мы падрыхтавалі гэта відэа ў вельмі добрай якасці. Гэта шэдэўр! High definition quality! Але яны не ўмеюць яго паказаць так, як трэба. У гэтым і праблема".