Арцём Дубскі асуджаны на год калоніі
7 ліпеня Асіповіцкі раённы суд вынес вырак Арцёму Дубскаму — год калоніі.
Хлопца судзілі па артыкуле 415 КК "Парушэнне адбыцця пакарання ў выглядзе абмежавання волі". Артыкул прадугледжвае толькі турму, але нядаўні выпадак з Максімам Дашуком абнадзейваў на больш аптымістычны вынік пасяджэння.
Арцём Дубскі — адзін з удзельнікаў "Працэсу чатырнаццаці", які быў асуджаны да двух гадоў "хатняй хіміі". Пакаранне ён адбываў у Асіповічах. Зрэшты, мінулай восенню пасля ціску з боку міліцыі і спецслужбаў Дубскі быў вымушаны прасіць прытулак ва Украіне.
У лютым Арцёма затрымалі на Гомельскім чыгуначным вакзале, калі хлопец ехаў у Мінск на акцыю прымеркаваную да Дня святога Валянціна. Два месяцы "маладафронтавец" правёў у асіповіцкім і бабруйскім ізалятары.
Але перад стартам праграмы "Усходняе партнёрства" Дубскага нечакана выкінулі з турмы. Амаль адразу пасля вызвалення ён прыняў актыўны ўдзел у галадоўцы салідарнасці з Мікалаем Аўтуховічам.
Дзяржаўны абвінаваўца Лазарэнка запатрабаваў вынесці Дубскаму пакаранне ў выглядзе паўгоду калоніі. У сувязі з тым, што хлопец не адбыў яшчэ год "хатняй хіміі", пракурор прапанаваў замяніць яго яшчэ на шэсць месяцаў турмы.
Суддзя Жанна Шарабайка задаволіла патрабаванні пракурора цалкам. Арцёму кайданкі апранулі проста ў судовай залі.
Хлопца судзілі па артыкуле 415 КК "Парушэнне адбыцця пакарання ў выглядзе абмежавання волі". Артыкул прадугледжвае толькі турму, але нядаўні выпадак з Максімам Дашуком абнадзейваў на больш аптымістычны вынік пасяджэння.
Арцём Дубскі — адзін з удзельнікаў "Працэсу чатырнаццаці", які быў асуджаны да двух гадоў "хатняй хіміі". Пакаранне ён адбываў у Асіповічах. Зрэшты, мінулай восенню пасля ціску з боку міліцыі і спецслужбаў Дубскі быў вымушаны прасіць прытулак ва Украіне.
У лютым Арцёма затрымалі на Гомельскім чыгуначным вакзале, калі хлопец ехаў у Мінск на акцыю прымеркаваную да Дня святога Валянціна. Два месяцы "маладафронтавец" правёў у асіповіцкім і бабруйскім ізалятары.
Але перад стартам праграмы "Усходняе партнёрства" Дубскага нечакана выкінулі з турмы. Амаль адразу пасля вызвалення ён прыняў актыўны ўдзел у галадоўцы салідарнасці з Мікалаем Аўтуховічам.
Дзяржаўны абвінаваўца Лазарэнка запатрабаваў вынесці Дубскаму пакаранне ў выглядзе паўгоду калоніі. У сувязі з тым, што хлопец не адбыў яшчэ год "хатняй хіміі", пракурор прапанаваў замяніць яго яшчэ на шэсць месяцаў турмы.
Суддзя Жанна Шарабайка задаволіла патрабаванні пракурора цалкам. Арцёму кайданкі апранулі проста ў судовай залі.