Следства па справе Дубскага працягнута на нявызначаны тэрмін

У сераду Арцёму Дубскаму прыйшоў ліст з паведамленнем, што суд павернуў яго справу ў пракуратуру на дадатковае следства на нявызначаны тэрмін.

"Мяркую, што як у маім выпадку, як і выпадку Максіма Дашука, якому адклалі судовы працэс на няпэўны тэрмін, улады імкнуцца зацягнуць справы. У час перамоваў з Эўропаю і "ліберальных" настрояў Лукашэнкі садзіць моладзь немэтазгодна, лепш прытрымаць справы да іншага часу", - камэнтуе навіну Арцём Дубскі.