Міліцэйскі УАЗ аштрафавалі за паркоўку ў недазволеным месцы
Пакарання дамогся пінскі актывіст Руху "За Свабоду". Дагэтуль супрацоўнікі ДАІ не звярталі ўвагі на рэгулярныя парушэнні ПДР мясцовымі міліцыянтамі.
Цікава, што штрафам пакаралі вадзіцеля В. Пушу, які прыпаркаваў службовую машыну ў непарсрэднай блізкасці да Пінскага райаддзела, але не на спецыяльна ўсталяванай паркоўцы.
Актывіст Руху "За Свабоду" Юры Бахцераў лічыць, што патрабаванні Закона аднолькавыя для ўсіх і нават міліцыянты, якія выконваюць свае прафесійныя абавязкі, не маюць права яго парушаць.
Належнага рэагавання пракуратуры на парушэнне Правілаў дарожнага руху, паводле слоў актывіста, удалося дамагчыся не адразу:
− Я прадаставіў усе неабходныя доказы, нават фотаздымкі. Яны адказвалі мне адпіскамі. Нарэшце я патэлефанаваў у пракуратуру Брэсцкай вобласці і заявіў, што калі яны не выступяць у абарону Закону, я вымушаны буду звяртацца да кіраўніка краіны, − распавядае Юры Бахцераў.
Актывіст з сістэматычнымі парушэннямі ПДР міліцыянтамі змагаецца не першы год. Агулам пасля заўваг і скаргаў Юрыя Бахцерава за наўмыснае парушэнне правілаў дарожнага руху былі прыцягнутыя да адміністрацыйнай адказнасці адзінадцаць чалавек.
Гэтым разам міліцыянта-вадзіцеля пакаралі мінімальным штрафам, які прадугледжаны артыкулам 18.32 КаАП за такое парушэнне − 0,1 базавай велічыні. Але, па словах актывіста, важны сам факт пакарання менавіта штрафам, а не папярэджаннем ці прафілактычнымі гутаркамі. На чарзе разгляд яшчэ двух выпадкаў парушэння ПДР міліцыянтамі.
Цікава, што штрафам пакаралі вадзіцеля В. Пушу, які прыпаркаваў службовую машыну ў непарсрэднай блізкасці да Пінскага райаддзела, але не на спецыяльна ўсталяванай паркоўцы.
Актывіст Руху "За Свабоду" Юры Бахцераў лічыць, што патрабаванні Закона аднолькавыя для ўсіх і нават міліцыянты, якія выконваюць свае прафесійныя абавязкі, не маюць права яго парушаць.
Належнага рэагавання пракуратуры на парушэнне Правілаў дарожнага руху, паводле слоў актывіста, удалося дамагчыся не адразу:
− Я прадаставіў усе неабходныя доказы, нават фотаздымкі. Яны адказвалі мне адпіскамі. Нарэшце я патэлефанаваў у пракуратуру Брэсцкай вобласці і заявіў, што калі яны не выступяць у абарону Закону, я вымушаны буду звяртацца да кіраўніка краіны, − распавядае Юры Бахцераў.
Актывіст з сістэматычнымі парушэннямі ПДР міліцыянтамі змагаецца не першы год. Агулам пасля заўваг і скаргаў Юрыя Бахцерава за наўмыснае парушэнне правілаў дарожнага руху былі прыцягнутыя да адміністрацыйнай адказнасці адзінадцаць чалавек.
Гэтым разам міліцыянта-вадзіцеля пакаралі мінімальным штрафам, які прадугледжаны артыкулам 18.32 КаАП за такое парушэнне − 0,1 базавай велічыні. Але, па словах актывіста, важны сам факт пакарання менавіта штрафам, а не папярэджаннем ці прафілактычнымі гутаркамі. На чарзе разгляд яшчэ двух выпадкаў парушэння ПДР міліцыянтамі.