Крызіс зачапіў і сабак?

Падатак на ўтрыманне сабак вырашыў падвысіць Брэсцкі абласны савет дэпутатаў. Калі раней за ўтрыманне сабакі у шматкватэрным доме трэба было плаціць амаль 12 тысяч рублёў у квартал, то цяпер плата залежыць ад пароды сабакі.

За малога цюцьку да 40 см у карку трэба плаціць 10500 рублёў на квартал, ад 40 да 70 см — 21 тыс. рублёў, ад 70 см і вышэй, а таксама за сабак небяспечных парод трэба заплаціць ужо 52500 рублёў на квартал. Установы і індывідуальныя прадпрымальнікі за такога сабаку заплацяць 105 тысяч на квартал.

Збор не бярэцца з інвалідаў 1-2 груп, непрацуючых пенсіянераў і бюджэтных арганізацый.