Непрафесіяналы пры кіраўніцтве
Міністр сельскай гаспадаркі выступіў з нараканнямі на адрас кіраўнікоў прадпрыемстваў малочнай галіны. Цяпер варта чакаць істотных кадравых зменаў. Сямён Шапіра зазначыў, што фактычна шэсць дзесяткаў кіраўнікоў прадпрыемстваў знаходзіцца не на сваім месцы з розных прычынаў.
Міністр Шапіра патлумачыў 24 чэрвеня на прес-канферэнцыі сваю пазіцыю:
- Высветляецца, што адзін з дырэктараў (Мікалай Казюлька, звольнены з пасады кіраўніка "Быхаўмалако" тыдзень таму – заўвага www.udf.by) працаваў усё жыццё ў міліцыі, шэсць год кіруе прадпрыемствам. Як выпускалася два віды прадукцыі, так і выпускаецца, ніякай дыверсіфікацыі на рынке, ніякіх новых падыходаў. Іншы дырэктар завода ўвесь час кіраваў гаспадаркай, дык яго паставілі на малочны завод, каб пажыў ва ўласнае задавальнене. Але сёння не такі час – працаваць трэба. На прадпрыемстве рэнтабельнасць мінус 29 працэнтаў, дырэктар не ведае, як выйсці з гэтай сітуацыі, мае за 60 год. Размаўляем пра гандаль з трэцімі краінамі – дык ніхто з іх не ведае замежнай мовы….
На нарадзе з удзелам Лукашэнкі 23 чэрвеня Сямён Шапіра таксама ўзняў гэтую тэму.
- Мы ўнясем пакет дакументаў па навядзенню парадка з кадрамі – вельмі шмат дырэктароў паважнага ўзросту ці тых, хто прыйшоў з іншых галінаў. Сёння ў нас 58 дырэктароў, - цытуе яго словы interfax.by.
Намеснік старшыні партыі БНФ Аляксей Янукевіч пагаджаецца з міністрам сельскай гаспадаркі і развівае гэтую думку далей.
- Тут можна казаць і пра людзей, якія займаюць вышэйшыя пасады без адпаведнай падрыхтоўкі і кваліфікацыі, што абыходзіцца вельмі дорага краіне. Як, напрыклад будаўнік Пракаповіч, які ўзначаліў Нацыянальны банк. Можа за час свайго кіраўніцтва ён і набыў нейкія веды, але гэта была самая дарагая адукацыя ў свеце, - зазначыў палітык.
Акрамя Пракаповіча спіс чыноўнікаў, якія займаюць сваю пасаду без адпаведнай на тое кваліфікацыі, можна працягваць да бясконцасці: палітрук Заметалін кіруе беларускім кіно, ідеолаг полацкага заводу Мацвейчук быў на чале міністерства культуры, а ўчастковы Канаплёў – Палаты прадстаўнікоў, не кажучы ўжо пра першую асобу ў дзяржаве, што да прэзідэнцкай пасады быў старшынём калгасу.
Алесь Пехціеў
Міністр Шапіра патлумачыў 24 чэрвеня на прес-канферэнцыі сваю пазіцыю:
- Высветляецца, што адзін з дырэктараў (Мікалай Казюлька, звольнены з пасады кіраўніка "Быхаўмалако" тыдзень таму – заўвага www.udf.by) працаваў усё жыццё ў міліцыі, шэсць год кіруе прадпрыемствам. Як выпускалася два віды прадукцыі, так і выпускаецца, ніякай дыверсіфікацыі на рынке, ніякіх новых падыходаў. Іншы дырэктар завода ўвесь час кіраваў гаспадаркай, дык яго паставілі на малочны завод, каб пажыў ва ўласнае задавальнене. Але сёння не такі час – працаваць трэба. На прадпрыемстве рэнтабельнасць мінус 29 працэнтаў, дырэктар не ведае, як выйсці з гэтай сітуацыі, мае за 60 год. Размаўляем пра гандаль з трэцімі краінамі – дык ніхто з іх не ведае замежнай мовы….
На нарадзе з удзелам Лукашэнкі 23 чэрвеня Сямён Шапіра таксама ўзняў гэтую тэму.
- Мы ўнясем пакет дакументаў па навядзенню парадка з кадрамі – вельмі шмат дырэктароў паважнага ўзросту ці тых, хто прыйшоў з іншых галінаў. Сёння ў нас 58 дырэктароў, - цытуе яго словы interfax.by.
Намеснік старшыні партыі БНФ Аляксей Янукевіч пагаджаецца з міністрам сельскай гаспадаркі і развівае гэтую думку далей.
- Тут можна казаць і пра людзей, якія займаюць вышэйшыя пасады без адпаведнай падрыхтоўкі і кваліфікацыі, што абыходзіцца вельмі дорага краіне. Як, напрыклад будаўнік Пракаповіч, які ўзначаліў Нацыянальны банк. Можа за час свайго кіраўніцтва ён і набыў нейкія веды, але гэта была самая дарагая адукацыя ў свеце, - зазначыў палітык.
Акрамя Пракаповіча спіс чыноўнікаў, якія займаюць сваю пасаду без адпаведнай на тое кваліфікацыі, можна працягваць да бясконцасці: палітрук Заметалін кіруе беларускім кіно, ідеолаг полацкага заводу Мацвейчук быў на чале міністерства культуры, а ўчастковы Канаплёў – Палаты прадстаўнікоў, не кажучы ўжо пра першую асобу ў дзяржаве, што да прэзідэнцкай пасады быў старшынём калгасу.
Алесь Пехціеў