Everything is made in China вывучыць пару слоў па-беларуску - відэа
Адна з самых яркіх пост-рокавых камандаў Расіі прыедзе ў Мінск з канцэртам 20 студзеня. "Мы былі ў вас з год таму і напоўніцу адчулі усю вашу гасціннасць, так што думаем вывучыць некалькі словаў па-беларуску", - кажа лідэр каманды Максім Фёдараў.
Everything is made in China (скарочана – Eimic) мае пяцігадовую гісторыю і за гэты час ужо дасягнула міжнароднай вядомасці. Свой дэбютны альбом яны запісвалі ў Канадзе, пасля чаго атрымалі нямала запрашэнняў на фестывалі. У 2008 годзе каманда грала на Heineken Open'er Festival – буйнейшым музычным фестывалі ва Усходняй Еўропе, з’ездзіла ў тур па Польшчы і Фінляндыі. Летась гурт выдаў свой альбом у Японіі, а часопіс Rolling Stone назваў Eimic "адным з самых прыемных адкрыццяў расійскай незалежнай сцэны і адной з лепшых айчынных інды-рокавых камандаў".
Музыкі прызнаюць, што ім шанцуе цягам усёй кар’еры, але не на пустым месцы. "Шанцаванне было на першым этапе, калі нас запрасілі на Opener у Польшчу. Але шанцаванню папярэднічае доўгая праца. Мы запісвалі свае дэма-дыскі, запакоўвалі іх у канверты ды ў вялікай колькасці рассылалі па ўсім свеце, так мы прабіліся на вялікія пляцоўкі", - кажа адзін з удзельнікаў гурта Аляксандр Быкаў.
У межах свайго чарговага туру Eimic заедзе і ў Беларусь. Іх канцэрт запланаваны на 20 студзеня 2011 года ў мінскім клубе "Рэактар". Вакаліст гурта Максім Фёдараў згадвае, як з год таму яны выступалі ўжо ў беларускай сталіцы. "Беларусь славіцца найперш добрымі дарогамі і выдатнай кухняй, у чым мы пераканаліся. Думаю, што вывучым пару слоў па-беларуску, каб павітацца са сцэны". Музыкі з Eimic таксама прызналіся, што з’яўляюцца вялікімі прыхільнікамі беларускага гурта Portmone, з якім яны хочуць пабачыцца ў Мінску.
Everything is made in China (скарочана – Eimic) мае пяцігадовую гісторыю і за гэты час ужо дасягнула міжнароднай вядомасці. Свой дэбютны альбом яны запісвалі ў Канадзе, пасля чаго атрымалі нямала запрашэнняў на фестывалі. У 2008 годзе каманда грала на Heineken Open'er Festival – буйнейшым музычным фестывалі ва Усходняй Еўропе, з’ездзіла ў тур па Польшчы і Фінляндыі. Летась гурт выдаў свой альбом у Японіі, а часопіс Rolling Stone назваў Eimic "адным з самых прыемных адкрыццяў расійскай незалежнай сцэны і адной з лепшых айчынных інды-рокавых камандаў".
Музыкі прызнаюць, што ім шанцуе цягам усёй кар’еры, але не на пустым месцы. "Шанцаванне было на першым этапе, калі нас запрасілі на Opener у Польшчу. Але шанцаванню папярэднічае доўгая праца. Мы запісвалі свае дэма-дыскі, запакоўвалі іх у канверты ды ў вялікай колькасці рассылалі па ўсім свеце, так мы прабіліся на вялікія пляцоўкі", - кажа адзін з удзельнікаў гурта Аляксандр Быкаў.
У межах свайго чарговага туру Eimic заедзе і ў Беларусь. Іх канцэрт запланаваны на 20 студзеня 2011 года ў мінскім клубе "Рэактар". Вакаліст гурта Максім Фёдараў згадвае, як з год таму яны выступалі ўжо ў беларускай сталіцы. "Беларусь славіцца найперш добрымі дарогамі і выдатнай кухняй, у чым мы пераканаліся. Думаю, што вывучым пару слоў па-беларуску, каб павітацца са сцэны". Музыкі з Eimic таксама прызналіся, што з’яўляюцца вялікімі прыхільнікамі беларускага гурта Portmone, з якім яны хочуць пабачыцца ў Мінску.