Жарсці вакол “Ў“
У беларускай музычнай прасторы апынулася два гурты пад адной і той жа назвай – "У нескладовае". Лідэр адной зь іх – Юры Карака – кажа, што яго каманда не збіраецца адмаўляцца ад сваёй назвы. Лідэр другой, Раман Арлоў мяркуе, што ў краіне можа існаваць хоць сем "У нескладовых" – абы была карысьць для айчыннай культуры. У юрыдычных нюансах музыканты пакуль не разбіраліся.
Гісторыя гурта "Ў" на чале з Юрыем Каракам налічвае каля двух год. Каманда ўзялася граць беларускамоўную рок-музыку на ўласныя тэксты. Музыкі далі некалькі канцэртаў у мінскіх клубах, але вялікай вядомасці пакуль не дасягнулі. У апошні год не выступалі, але каманда не спыніла свайго існавання: "Гурт існуе, але ж зараз мы працуем у зусім іншых напрамках і ў абноўленым складзе", - кажа Юры.
Каманда "Ў" на чале з Раманам Арловым свой канцэрт дала сёлета ў красавіку. Былы гітарыст гурта J:Морс задумаў праект разам з сваім сябрам-музыкам Вадзімам Марголіным і запрасіў да ўдзелу вядучых беларускіх музыкаў. У праекце задзейнічаны Алег Хаменка, Аляксандар Памідораў, Ганна Хітрык ды іншыя. Зорная каманда рыхтуецца прэзентаваць дэбютны альбом 21 кастрычніка ў Маскве і 28 кастрычніка ў Мінску.
"Наконт назвы – гэта чыста юрыдычнае пытанне. Але пакуль праблем не адчуваем, бо актыўна не канцэртуем", - кажа лідэр аднаго з "Ў" Юрый, сам студэнт юрфака БДУ. Лідэр іншага "Ў" Раман Арлоў такому супадзенню не збянтэжыўся: "Няхай будзе хоць сем праектаў пад назвай "У нескладовае", абы яны працавалі на карысць беларускай культуры і музыцы".
Гурт "Ў" з Юрыем Каракам можна пачуць на старонцы Вконтакте.
Новую песню "Ў" Рамана Арлова, запісаную з Аляксеем Хлястовым, можна пачуць на "Тузіне Гітоў" .
Гісторыя гурта "Ў" на чале з Юрыем Каракам налічвае каля двух год. Каманда ўзялася граць беларускамоўную рок-музыку на ўласныя тэксты. Музыкі далі некалькі канцэртаў у мінскіх клубах, але вялікай вядомасці пакуль не дасягнулі. У апошні год не выступалі, але каманда не спыніла свайго існавання: "Гурт існуе, але ж зараз мы працуем у зусім іншых напрамках і ў абноўленым складзе", - кажа Юры.
Каманда "Ў" на чале з Раманам Арловым свой канцэрт дала сёлета ў красавіку. Былы гітарыст гурта J:Морс задумаў праект разам з сваім сябрам-музыкам Вадзімам Марголіным і запрасіў да ўдзелу вядучых беларускіх музыкаў. У праекце задзейнічаны Алег Хаменка, Аляксандар Памідораў, Ганна Хітрык ды іншыя. Зорная каманда рыхтуецца прэзентаваць дэбютны альбом 21 кастрычніка ў Маскве і 28 кастрычніка ў Мінску.
"Наконт назвы – гэта чыста юрыдычнае пытанне. Але пакуль праблем не адчуваем, бо актыўна не канцэртуем", - кажа лідэр аднаго з "Ў" Юрый, сам студэнт юрфака БДУ. Лідэр іншага "Ў" Раман Арлоў такому супадзенню не збянтэжыўся: "Няхай будзе хоць сем праектаў пад назвай "У нескладовае", абы яны працавалі на карысць беларускай культуры і музыцы".
Гурт "Ў" з Юрыем Каракам можна пачуць на старонцы Вконтакте.
Новую песню "Ў" Рамана Арлова, запісаную з Аляксеем Хлястовым, можна пачуць на "Тузіне Гітоў" .