Сёння б Быкаву споўнілася 85...
Учора ў Дзяржаўным музеі гісторыі беларускай літаратуры адбылася вечарына, прысвечаная 85-годдзю з дня нараджэння Васіля Быкава.
Арганізатары запрасілі падзяліцца ўспамінамі пра Быкава пісьменнікаў і паэтаў, асабіста знаёмых з творцам, а таксама літаратуразнаўцаў і родных. Паслухаць гэтых людзей сабаралася цэлая заля.
Пачала імпрэзу народная артыстка Беларусі Марыя Захарэвіч, прачытаўшы ўрыўкі з твораў Быкава.
Затым слова ўзяў паэт Уладзімір Някляеў.
- Адным з галоўных адчуванняў Васіля Быкава – буйнейшага мастака сучаснасці – было адчуванне трагізму існавання чалавека ў свеце, няўмольнасці ягонага сыходу. Так ці інакш кожны з нас гэта адчувае. Але перадаць гэта так праўдзіва і не банальна ўдалася толькі яму аднаму. Сапраўды вялікі пісьменнік. Той, хто хоць раз у жыцці яго бачыў, размаўляў з ім, можа лічыць сабе шчаслівым. І я лічу сабе шчаслівым, - сказаў Някляеў.
Сваімі ўспамінамі дзяліліся пісьменнікі і даследчыкі творчасці славутага беларуса.
Сярод іх літаратуразнаўца Міхась Тычына. Ён узагадаў, што у сітуацыі, калі ў свеце змешваюцца дабро, і зло, усе каштоўнасці, у Васіля Быкава звычайны быў адзіны адказ: трэба пісаць, у любых умовах. Бо калі ты маеш дар ад Бога – пісаць, то не рабіць гэта – будзе блюзнерства. І перад сучаснікамі, і перад ахвярамі. І перад будучыняй.
Пра веру Быкава ў выратавальную сілу маставцтва казаў і пісьменнік Анатоль Вярцінскі.
- Васіль ні на адзіны момант у жыцці не згубіў вера ў цудоўную сілу мастацтва. Усе самае цудоўнае, самае вечнае ў вышэйшым праяўленні чалавечага духу, лічыў ён – у мастцтве. Гэта, можна сказаць, было ідэйна-мастацкім, эстэтычным крэда Васіля Быкава.
Прагучалі ў запісе голас самога Васіля Быкава і музыка, якую ён любіў.
Старшыня Саюза пісьменнікаў Беларусі Алесь Пашкевіч падараваў музею сабранне твораў Васіля Быкава, а таксама творы Быкава ў перакладзе на фінскую і нарвежскую мовы.
Рызынкай вечарыны стала прэзентацыя карціны "Здабыўшы перамогу. Партрэт Васіля Быкава". Мастак Міхась Будавей стварыў яе па замове літаратурнага музея адмыслова да юбілею пісьменніка.
Міраслава Янцэвіч
Арганізатары запрасілі падзяліцца ўспамінамі пра Быкава пісьменнікаў і паэтаў, асабіста знаёмых з творцам, а таксама літаратуразнаўцаў і родных. Паслухаць гэтых людзей сабаралася цэлая заля.
Пачала імпрэзу народная артыстка Беларусі Марыя Захарэвіч, прачытаўшы ўрыўкі з твораў Быкава.
Затым слова ўзяў паэт Уладзімір Някляеў.
- Адным з галоўных адчуванняў Васіля Быкава – буйнейшага мастака сучаснасці – было адчуванне трагізму існавання чалавека ў свеце, няўмольнасці ягонага сыходу. Так ці інакш кожны з нас гэта адчувае. Але перадаць гэта так праўдзіва і не банальна ўдалася толькі яму аднаму. Сапраўды вялікі пісьменнік. Той, хто хоць раз у жыцці яго бачыў, размаўляў з ім, можа лічыць сабе шчаслівым. І я лічу сабе шчаслівым, - сказаў Някляеў.
Сваімі ўспамінамі дзяліліся пісьменнікі і даследчыкі творчасці славутага беларуса.
Сярод іх літаратуразнаўца Міхась Тычына. Ён узагадаў, што у сітуацыі, калі ў свеце змешваюцца дабро, і зло, усе каштоўнасці, у Васіля Быкава звычайны быў адзіны адказ: трэба пісаць, у любых умовах. Бо калі ты маеш дар ад Бога – пісаць, то не рабіць гэта – будзе блюзнерства. І перад сучаснікамі, і перад ахвярамі. І перад будучыняй.
Пра веру Быкава ў выратавальную сілу маставцтва казаў і пісьменнік Анатоль Вярцінскі.
- Васіль ні на адзіны момант у жыцці не згубіў вера ў цудоўную сілу мастацтва. Усе самае цудоўнае, самае вечнае ў вышэйшым праяўленні чалавечага духу, лічыў ён – у мастцтве. Гэта, можна сказаць, было ідэйна-мастацкім, эстэтычным крэда Васіля Быкава.
Прагучалі ў запісе голас самога Васіля Быкава і музыка, якую ён любіў.
Старшыня Саюза пісьменнікаў Беларусі Алесь Пашкевіч падараваў музею сабранне твораў Васіля Быкава, а таксама творы Быкава ў перакладзе на фінскую і нарвежскую мовы.
Рызынкай вечарыны стала прэзентацыя карціны "Здабыўшы перамогу. Партрэт Васіля Быкава". Мастак Міхась Будавей стварыў яе па замове літаратурнага музея адмыслова да юбілею пісьменніка.
Міраслава Янцэвіч