На “Пінскдрэве“ склалі спіс з 500 кандыдатаў на звальненне

На "Пінскдрэве" склалі спіс патэнцыйных кандыдатаў на звальненне. У яго трапіла больш за 500 чалавек, якія не выконваюць працоўныя нормы, парушаюць дысцыпліну. Яны будуць звольнены ў першую чаргу.

Найбуйнейшае ў Беларусі дрэваапрацоўчае прадпрыемства, “Пінскдрэў” уносіць ў гарадскі бюджэт да 30%. Кампанія першая ў Беларусі ўтварыла холдынг. У яго увайшлі 33 прадпрыемствы, сярод якіх 5 сумесных.

Некалькі прадпрыемстваў арганізаваныя ў свабоднай эканамічнай зоне "Брэст". Таму нельга адназначна сказаць, як адбіваецца крызіс на "Пінскдрэве".

Некаторыя прадпрыемствы працуюць больш паспяхова, напрыклад, фанерная фабрыка, якая пастаўляе сваю прадукцыю ў Нямеччыну і Польшчу. У межах холдынгу мацнейшыя прадпрыемствы падтрымліваюць слабыя.